فلسطين في الذاكرة سجل تبرع أفلام نهب فلسطين إبحث  بيت كل الفلسطينيين على شبكة الإنترنت English Version
الصفحة الأولى    صور     خرائط  تاريخ شفوي حق العودة 101 نظرة القمر الصناعي أعضاء الموقع الصراع للميتدئين إتصل بنا
Zayta - زيتا : كلمات اغاني اعراس فلسطينية قديمة وجديدة

شارك بتعليقك  (13 تعليقات

أرسل لصديق
طباعة
العودة إلى زيتا
כדי לתרגם עברית
مشاركة الزيتاوي في تاريخ 17 نيسان، 2008
من الاغاني التي كانت تغنى عندما كانت تحنى العروس
سبل عيونو وماد ايدوا يحنول
غزال زغير بالمنديل يلفولو

يا امي يا امي عبيلي المخاداتي
وطلعت من الدار وما ودعت خياتي

سبل عيونو وماد ايدوا يحنولو
غزال زغير بالمنديل يلفولو
يالمي يالمي طاويلي المناديلي
وطلعت من الدار وما ودعت انا جيلي
واطلعت من الدار وما ودعت انا امي
انا الغربية وهيلوا يا دمعاتي

سبل عيونو وماد ايدوا يحنولو
غزال زغير بالمنديل يلفولو
يا الاهل يا الاهل لا يجير ليكو خاطر
شو الي عماكو عن ابن عمي هالشاطر
يا الاهل يا الاهل لا يبري ليكو ذمه
شو الي عماكو عن ابن الخال والعم

سبل عيونو وماد ايدوا يحنولو
غزال زغير بالمنديل يلفولو

ايويها... بحنة مكة جيت احنيكي
ايويها... يا بدر ضاوي وألحلى كلو ليكي
ايويها... ما بتلبق الحنة إلا لايديكي
ايويها... يا فاطمة زينة العرايس لمحمد اوديكي

ايويها... يا شعرك شعر السلسبيلي
ايويها... ويسلمي هالكم الطويلي
اويها... ريتو يحرصك الله
ايويها... من عين الحاسد والعزولي

أغاني الزفة في العرس الفلسطيني
بالهنا يا ام الهنا يا هنية
التوت عيني على الشلبية
التوت عيني على العريس بالاول
صاحب الوجه السموح المدور
قالتلو يا عريس يا ابن الكرامي
عيرني سيفك ليوم الكوان
سيفي محلوف عليه ما بعيرو
سيفي ماصل من بلاد اليماني
بالهنا يا ام الهنا يا هنية
شيعوا لولاد عمو يجولو
بالخيول المبرقعة يغنولوا
عددوا المهرة وشدوا عليها
تييجي محمد ويركب عليها
عددوا المهرة وهاتو الشبرية
زفولي محمد لباب العلية
عددوا المهرة وهاتوا البارودي
زفولي محمد لباب العمود
ايويها... ريتو هالفرح مبارك
ايويها... سبعة ثمان بركات
ايويها... كما بارك محمد
ايويها... على جبل عرفات

ايويها... يا قاعدة على المراتب قعدة البنا
أيويها... والكحل بعيونك زقفتلوا غنا
أيويها... حط القدم على القدم ما اسمعتلو رنا
ايويها... ويجعل البطن يلي حملك مسكنو الجنة

ايويها... صبر قلبي وما قصر
ايويها... وانقطع حبل الجفا بعد ما تغير
ايويها ... افرحولي يا جيراني وخلاني
ايويها... وانا عها اليوم بتحصر.

ايويها... جيت اغني وقبلي ما حدا غنا
ايويها... بقاع وادي فيه الطير يستنا
ايويها... وريتك با محمد بهل العروس تتهنا
ايويها... وتضل سالم ويضل الفرح عنا

الاغاني التي كانت تغنى للعريس حين يأتي الحلاق ويقوم بحلاقة شعره وذقنه

إحلق يا حلاق بالموس الفضية إحلق يا حلاق
تمهل يا حلاق لا تتيجي الاهلية تمهل يا حلاق
إحلق يا حلاق بالموس الذهبية إحلق يا حلاق
تمهل يا حلاق لا تتيجي الاهلية تمهل يا حلاق
إحلق يا حلاق ومسح بشاشاتو احلق يا حلاق
تمهل يا حلاق لا ييجو عماتو تمهل يا حلاق
إحلق يا حلاق ومسحلو بكمو إحلق يا حلاق
تمهل يا حلاق لا تتيجو امو تمهل يا حلاق
احلق يا حلاق احلقلوا لحالو احلق يا حلاق
تمهل يا حلاق تييجوا خوالو تمهل يا حلاق
احلق يا حلاق ونعملو على خدو إحلق يا حلاق
تمهل يا حلاق لييجو ولاد عمو إحلق يا حلاق
إحلق يا حلاق ونعملو شعراتو إحلق يا حلاق
تمهل يا حلاق لييجو رفقاتو تمهل يا حلاق
أحلق يا حلاق تنشوف حالاتو احلق يا حلاق
تمهل يا حلاق تييجو خياتو تمهل يا حلاق

ايويها ... بمقص الذهب قصلوا يا بشارة
ايويها... لزينة الشباب وزينة الحارة
ايويها ... ان وصفت بالوصف ما وفيت
ايويها ... أمير صغير وتلبقلوا الامارة.

ايويها... ضليت أركض ورا الجواد لناسبهم
ايويها... هب الهوى ورماني على مصاطبهم
ايويها... دعيت رب السما ينصرهم
ايويها... نصره عزيزة تجبر بخاطرهم

ايويها ... اسم الله عليك
ايويها ... عين الله عليك
ايويها ... عين الحاسدة تعمى
ايوها ... والي ما تسمي عليك
لولولولولولييييييييش




إذا كنت مؤلف هذه  مقال وأردت تحديث المعلومات، انقر على ازر التالي:

ملاحظة

مضمون المقالات، المقابلات، أو الافلام يعبر عن الرأي الشخصي لمؤلفها وفلسطين في الذاكرة غير مسؤولة عن هذه الآراء. بقدر الامكان تحاول فلسطين في الذاكرة التدقيق في صحة المعلومات ولكن لا تضمن صحتها.

 

شارك بتعليقك

مشاركة نعمه عبجد النبي في تاريخ 20 نيسان، 2014 #154236

أود أن اعرب عن احترامي وامتناني لكل من يقوم بتدوين هذا التراث الجميل
مشاركة عاشقة الاغاني في تاريخ 5 أيار، 2013 #149783

اغاني جميلة بتجنن
مشاركة عاشقة تراب فلسطين في تاريخ 19 تشرين أول، 2012 #146864

يسلموووووووووووو اديك على العرض الجميل والاكثر من رااااائع
مشاركة فلسطين الناطور في تاريخ 23 كانون ثاني، 2012 #141160

افتخر انت فلسطيني الله يحميهم ويقويهم على اعداء الله ومن معهم من الكفره الخائنين اللهم امين
مشاركة ابو حنظلة في تاريخ 13 كانون ثاني، 2012 #140936

اشكركم على هذا الوقع الجميل رااااااااااا كل ايشي فلسطيني جميل تسلموااااااااااااااااااااااااائع
مشاركة منيب الخوالدة في تاريخ 9 حزيران، 2011 #135237

تسلم فلسطين وناسها
مشاركة موسى مسيمي في تاريخ 19 آذار، 2011 #131717

كل ايشي فلسطيني جميل تسلموا
مشاركة صفاء  في تاريخ 17 نيسان، 2010 #109907

شكر على الاغاني الي كاتبينها حلووووووووووووووة اكثير
وكتابته نوع من المحافظة على التراث
مشاركة الدبواني  في تاريخ 16 آذار، 2010 #106590

شكراااااااا بجنننننن احنا هاذي الاغاني مشهورة عنا كثيييير شكرااا حبيبي وبهدي سلامي لكل دبواني بيدخل هذا الموقع
مشاركة ابو احمد في تاريخ 20 حزيران، 2009 #80825

شكرا لكم على هذا الموقع وهيك الاغاني ولا يابلا
مشاركة محمود عيسى في تاريخ 12 أيار، 2009 #76943

اشكركم على هذا الوقع الجميل يا رايت نسممع اغاني مع ايقاع عن قريب في هذا الموقع

شكرا
مشاركة ابوحسن في تاريخ 12 آذار، 2009 #70442

اشكركم علي هذا الموقع الجميل
مشاركة جعفر العبيدي  في تاريخ 9 كنون أول، 2008 #59209

رااااااااااااااااااااااااااااااااااائع