هسه خلصت المسأله ... أو هيذ بدهم يفهمونى !! ، أه . خلصت الحرب على غزه وإنتوا إنتصرتوا يا مكاومه وتشل شي تمام...
بس الحكيكة إن الحرب الحكيكيه بدت هسع،وإن الجولة الأوله من الحرب تشانت بين الصهاينة وبينى ،بس الجولة الثانية ـ وهي الجولة الساخنة ـ رح تشون بين بعظينا كفلسطينية وكأهل غزه ـ الله يحفظها ـ بينات بعظيهم .!! تشيف ؟ خذوا تاكولتشم ؛ الشي الواظح وظوح الشمس إن التشلاب الصهاينة رتشزوا على البني التشاملة لكطاع غزه ... ماوفروش بيت ولا شارع ولامدرسة ولاحتى الجوامع ـ وما بدري كصفوا الكنيسة وإلا هذلاك عليهم حماية ـ البنعبد ربنا فيها ، خربو المي والتشهربة ... تشل شي تشل شي يم ما فلت شي من إديهم ألله يتشسر إديهم وإدين الساعدهم على هل الشعب المتعتس المستشين ...ما علينا . المهم إن تشل هذ تمهيد للجولة الثانية من الحرب ـ ولاد التشلب إنسحبوا بعد الدمار وخلوا مجال لتشلابهم عشان يدخلوا وتبدا المقاتل على الفلوس بينا وبينهم وبين بعظينا ـ الحرب على المساعدات والتعويظات وفلوس إعادة البنية التحتية والفوكية والوسطية ، بكول أخر الما ببيع ناسه وإمانه ما بوخذ فلوس للم والمبو ولا للسكن حاله ـ كطعت أهله ـ وأولاده ببيت وينستر ...!! "بدك تاكل وتشرب ووتنستر تنازل عن كل شيئ وصير كلب وإنضم لبعقوا الكلاب الذين باعوا "
الغاية من هظا التشلام هي إني بحذرتشم من المشارتشه بهظ المهزلة ، لمن أجى أخوي يوسف من تشم يوم حسيت من تشلامه إن في كال وكيل عن المكاومه وأن السلام أحسن وتشلام من هل حتشي البودي بداهية وما بجيب فايده ... بجوز في ناس بتفتشر ببطنها !! بس حتى هظول الهبل ( بجوز فيه منهم ببلدنا وجوز ما في .. أنا بتمنى إنه ما فيه ) ... تشنت بكول إن حتى هظول الهبل ما رح يظل ياتشلوا على طول ... على الأكل بعين بصيروا ياتشلوا على كفاهم ووسحنهم مش ببطونهم ، العبارة إن بتشفي نوم وبتشفي لهط ...شوفوا أهلنا في غزه تعلموا منهم .
أنا بعرف ناس بعطارة ببعثوا مساعدات للهل البلد للكريب والبعيد وبيبنوا وبساهمو بالبلد بإخلاص ...بس تشمان بعرف ناس تشانوا يبوعوا البيظة بسكاره عشان يمخمخوا ويروكوا

وللحديث بكية

كفاح محمود نصرالله

ملاحظة

مضمون المقالات، المقابلات، أو الافلام يعبر عن الرأي الشخصي لمؤلفها وفلسطين في الذاكرة غير مسؤولة عن هذه الآراء. بقدر الامكان تحاول فلسطين في الذاكرة التدقيق في صحة المعلومات ولكن لا تضمن صحتها.