فلسطين في الذاكرة سجل تبرع أفلام نهب فلسطين إبحث  بيت كل الفلسطينيين على شبكة الإنترنت English Version
الصفحة الأولى    صور     خرائط  تاريخ شفوي حق العودة 101 نظرة القمر الصناعي أعضاء الموقع الصراع للميتدئين إتصل بنا
al-Samu' - السموع : طبخات شعبية قديمة ^^^ د. ابو بهاء الدين محمود ابو الكباش

شارك بتعليقك  (8 تعليقات

أرسل لصديق
طباعة
العودة إلى السموع
כדי לתרגם עברית
مشاركة ابو بهاء الدين محمود  في تاريخ 24 تشرين أول، 2007
بسم الله الرحمن الرحيم
==================

بداية لا بد من ذكر ركائز الغذاء السموعي
فاللحم والدهن والسمن البلدي والزبدة البلدية والجبنة واللبن واللبنة والحليب والعدس والقمح والفريكة والبرغل والبندورة المجففة من أساسيات الغذاء
فالسموعي يحتاج لغذاء دسم لأن طبيعة عمله صعبة وشاقه فهو راع للأغنام يسير المسافات تلو المسافات ويقطع الايام الطوال احيانا دونما زاد ( طعام ) ويحرث الارض على دابته ويحصد بيديه ويدرس على دوابه فهو بين ضنك وضنك وشدة وشدة

طبخات بلدية
@@@@@@@@@@@


طبعاً المنسف البلدي وهو أشهر من أن يعرف

اما الاكلات الشعبية والتي تهمنا في هذا المقال فهي :-

1)رقاقه بلبن/بلبن وبندوره ناشفه( مجففه)
*عدس حب - لبن بلدي ( كشك ، جميد) - عجين مرقوق ومشرح مستطيلات .

*بلبن وبندوره ناشفة( حيث كان من العادات التي بادت الان تنشيف البندورة البلدية لموسم الشتاء واستعمالها بعد نقعها ومرسها بواسطة الزبدية ( مصحان فخار) لتضاف على الرقاقة.

2)جريشة بلبن /بندورة ناشفة
*قمح مجروش - لبن بلدي ( كشك ، جميد) - لحم بلدي .

* بندورة ناشفة.

3) مفتوتة
زبدة بلدية - خبز خاص للمفتوتة .

4)ذنين قاط
نفس الرقاقة باستثناء العجين حيث يعمل على شكل مكعبات بداخلها لحمة مفرومه .

5) مرققه
لبن ممروس - سمن بلدي - خبز بلدي من الطابون

6)لبنية ( ليست قديمة كما الطبخات السابقه)
ارز - لبن بلدي - قدحة ثوم ( ثوم مقطع يقلى خفيفا بالزيت يسمى قدحة)
.
7)مقلى زهر /خبز مقلي فيه زهر
اذا كان بالبصل اسمه مقلى
واذا كان بزهر فاسمه زلابيا
بصل اوزهر بلدي - زيت بلدي - طحين معجون.

8)مقرصات
خبز بالسمن البلدي مخبوز في الطابون.

9) سمبوسك
خبز فيه لحم بلدي ومخبوز بالطابون .

10) مطبق
خبز خاص -زيت بلدي - سكر مرشوش رش

11)فتة على فتة

لبن ممروس - خبز -

12) فتة العجوز

بندورة ناشفة منقوعة ومهروسةاو ليمون - خبز طابون يفت في البندورة

13) مفتلة

ورق خبيزةمنعم - عجين

14) مقلية

ورق خبيزة مع عصبها

15) شختورة

مقلية -رز


16) مدقوقة ذرة بيضا
ذرة بيضا مع لبن

17) قشيم
لحم مع دهن يمكن استعماله بعد تسويته مسبقا لايام عدة فيما بعد
مثل المكبوس ( اللحم في الدهن )

18) الشدة
مثل الدبس لكن اشد او اجمد

19) مِلبن
من العنب يجفف ماءه ويرش عليه صنوبر

20 )عنبية

21) دبس


22) فريكة

23) بُــــــرغل

24) كسكسون كما يسمى عندنا ( مفتول )

25)قشدة ناتج خلط الزبدة بالقمح لعمل السمن البلدي

قمح _ زبدة

26) مبصله ( مشوطة )
بصل - لبن - بندورة - خبز
27) رز بحليب

28) كعكة رعيان
عجين - نار
29) كراعين

30) لوف ، ارقيطه فقط للوالدات

31) حويرنه بلبن

32) كراديش - خبز شعير




إذا كنت مؤلف هذه  مقال وأردت تحديث المعلومات، انقر على ازر التالي:

ملاحظة

مضمون المقالات، المقابلات، أو الافلام يعبر عن الرأي الشخصي لمؤلفها وفلسطين في الذاكرة غير مسؤولة عن هذه الآراء. بقدر الامكان تحاول فلسطين في الذاكرة التدقيق في صحة المعلومات ولكن لا تضمن صحتها.

 

شارك بتعليقك

مشاركة mosa في تاريخ 21 نيسان، 2009 #74726

Hi Dr
First of all i wanna thank you for your effort .
you are doing great job .
thank you one more time
مشاركة ابوحميد في تاريخ 24 شباط، 2009 #68739

المثل بيقول (فتح عينك توكل ملبن)!!ملبن سموعي بالصنوبر من سرو مدرسة السموع!!!الأكله رقم (12) على علمي الها اسم تاني مش فتة عجوز! اعتقد الدكتور عارف اسمها الحقيقي بس ما بدو يكششنا منها.هههههههههه.!!!بس نسيت (فتة العدس) ايام رمضان امي كانت تطبخ شوربة عدس ونفت فيها الخبز لمقرقش ونحط عليه شوية زيت زيتون مع المقبللات من البصل الأخضر ومكبوس لخيار وننزل فيها عل الفطور لما نستوي بس يقول الله واكبر!!!
على كل الدكتور مشكور على جمعه هالطبخات وبصراحة لما شفت الجريشه انفتحت نفسي وتذكرت اعراس اهل السموع لما كانوا يطبخو الجريشه بمرقة اللحمه البلدي بتوكل اصابعك وراهم!! تحيالتي
كفاح
مشاركة علا في تاريخ 19 آب، 2008 #49647

هاي طبخات زاكيه وكانت امي تطبخها كلها تقريبا وسهله لأنه انا سموعيه وبابا وماما مقيمين في السموع بس أنا تجوزت هلأ وسكنت في بيت لحم
مشاركة ليلـــــــــى (==>laila<==) في تاريخ 31 تشرين أول، 2007 #22645

هههه تسلم انشاء الله هدا اول شي ...
وتاني شي امممممممم رح بختار شي ما يغليك ..
هدااا مقتوتة :)

ما بلاقيها بتغلب
يلا سلامات :)
مشاركة ابو بهاء الدين محمود  في تاريخ 30 تشرين أول، 2007 #22577

خلص بسيطة هاي المسألة اتركيها علي
ولو انتي لسا بتحكي حسب ما بتذكر
يعني المسألة مفروغ منها
ما في أمل تكوني بتعرفي تطبخي على هيك
الله المستعان ...يا ستي تكرمي غالي والطلب رخيص
بس باي طبخه نبلش اول شي

سلام
مشاركة ليلـــــــــى (==>laila<==) في تاريخ 30 تشرين أول، 2007 #22573

امممم ما بعرف مين يمكن انت ؟؟؟
لانو انا حسب ما بتدكر اني ما بعرف اطبخ ..وهيك وصلت للاستنتاج هداا ,,"انت كتبت الوصفات وبالمره اطبخهن عشان ندوقهن هههههههه يلا سلامات :) :-P
مشاركة ابو بهاء الدين محمود  في تاريخ 25 تشرين أول، 2007 #22306

ولو عملها سهل بس مين بالك بياكلها

قال الكل بحبش يوكل رقاقة ولا جريشة ولا ولا

عن نفسي يا ريت كل يوم

بس فعلا مثل ما تفضلتي

مين بدو يعملها

شكرا الك ولتعليقك

تشرفنا بمعرفتك
مشاركة ليلـــــــــى (==>laila<==) في تاريخ 25 تشرين أول، 2007 #22302

هههههههههه شو هدا طبخات سموعية ..والله زاكية بس مين بدوو يعملهاا؟؟؟ هههههه يلا شكراا سلامات