القائمة
الى ليلى خالد وجبهتها !
يا ريت تبقي بقضيتك تلعبي فيها كيف ما بدك انت وجبهتك الشعبية، ويا ريت ما تتعدي على نضالات الشعوب التي لا تقل قضاياها عدالة وقدسية عن قضية شعبك!
فهمنا ، بتيجي حضرتك لفيينا ،وبتعملوا احتفال بيوم الارض بأفخم فندق يا مناضلين ، فندق "الماريوت" وبتقدمي حكي العلاك المصدي تبع الشعارات يلي جاب اجل الشعب الفلسطيني واجل قضيته، بس لشو التعدي على قضايا الغير؟
هل النظام السوري وظفك عندو مشان تدافعي عنه وتحكي باسمه؟ اديش دفعولك بالله عليكَ؟
والله عيب ، على الاقل استحي شوي انت وجبهتك واحترموا مأساة الشعب السوري يلي صار عنده لاجئين اضعاف ما لدى الشعب الفلسطيني من لاجئين ، ويلي اندبح منه على يد نظامه اضعاف ما دبحت اسرائيل من شعبك!
طيب بلاش ، الشعب السوري، على الاقل احترمي فلسطينيي سوريا يلي تهجر ثلاثة ارباعهم بكل انحاء العالم من وراء حصار النظام للمخيمات، احترمي على الاقل المعتقلين الفلسطينيين الذين هم بالالاف !
احترمي ارواح الفلسطينيين يلي قضوا تحت التعذيب وهم من خيرة شبابنا في سجون النظام ،او الذين قضوا قصفا بأسلحته!
طيب بلاش هدول ، كونكم عميان ومش شايفينهم الا بعيون بشار الاسد، طيب ،احترموا حالكم على الاقل ، واحترموا شهدائكم بتل الزعتر وغير تل الزعتر يلي قتلهم النظام السوري او يلي اعتقلهم !
العمى بقلبكم العمى ، لهاي الدرجة صرتوا متمسحين!؟؟
https://www.facebook.com/abusous2000/posts/10153511497652143
شارك بتعليقك