فلسطين في الذاكرة من نحن تاريخ شفوي نهب فلسطين English
القائمة الصراع للمبتدئين دليل العودة صور  خرائط 
فلسطين في الذاكرة سجل تبرع أفلام نهب فلسطين إبحث  بيت كل الفلسطينيين على الإنترنت English
من نحن الصراع للمبتدئين    صور     خرائط  دليل حق العودة تاريخ شفوي نظرة القمر الصناعي أعضاء الموقع إتصل بنا

#ع_الوجع: يا #سوري ممنوع تعيش ...

النسخة الأصلية كتبت في تاريخ 10 كانون أول، 2016


#ع_الوجع: يا #سوري ممنوع تعيش ...
قصيدة بالعامية الفلسطينية كتبت عن تشرّدنا كشعب للفنان أنس شعبان... لكن اظنها تليق افضل بأخي #السوري .... اقرأوا ... ولن تندموا ...
#فلسطيني ممنوع تعيش ..
قلولك إسكت متحكيش ..
أنت خلقت لتطلتيش ..
للحواجز للمصايب للتفتيش ..
كتبه ع جبينك ينداس ,,!!
من الضابط حتى الشاويش ..
فلسطيني وممنوع تثور ,
ومش مسموح تكون منصور ,
إيـاك تطالب بحقك .. أوعى بيوم تشوف النـور ,
ممنوع تجدد هوية .. ممنوع تجدد باسوور ,
فلسطيني وبدك تتعلم .. هاي شغلة ضد الدستور ,
فلسطيني ولازم تتألم .. من دون ما يشوفك دكتور ,
فلسطيني وممنوع تتظلم ..
ولا يطلع بجناحك ريش ..
فلسطيني ممنوع تعيش ..
فلسطيني وإن فيه سفريات ..
إسمك بالأحمر مكتوب ,,
وع شباك مصلحت الجوازات ..
كتبه ع جبينك مطلوب ,,
لازم تتوقف ساعــات ..
مذنب أو من دون ذنوب ,,
ويتوجهلك إتهامــات ..
إنك سبب كل الحروب ,,
قال بسببك الحق مات ..
والعدل بوطنك مسلوب ,,
وكأنك سبب كل النكسات ..
وكل أزمات الشعوب ,,
وكأنه بسببك المحتل فات ..
ع الأقصى بلحظة الغروب ,,
وذبح صبيان وبنــات ..
وعجز ع أمره مغلوب ,,
فلسطيني ممنوع تعيش ...
هذه دنيا بس للخفافيش ...
فبدك تشوف همنـا هموم ,
تابع كل شي عنا قبل النوم ,
مذيع معصب وكله هموم ,
نبأ عـاجل يا أهل الله ..
هدوا بيوت برام الله ..
حكـامنا قاموا إسم الله ..
يتصلو في بوش يقوم ..
وبسيفه يحمي المظلوم ..
حكامنا اتصلو في كوفي عنان ..
قلولوا يا خينـا الإسلام إنهـان ..
إن كنلك فوتة ع الأمريكان ..
وإلك منا كم خــزان ..
حكامنا اتصلو في جاك شيراك ..
قلولوا يا خينا ما النا ســواك ..
إن كانلك فوتة ع توني بلير ..
بلكن تقنعه يقنع بابا ..
بلكن بابا يقنع موسكو ..
بلكن موسكو تقنع بوش ..
بلكن بوش بيقنع أولمرت ..
وتردوا الأقصى لصاحبه ,,
وتحمـوا الشعب الغلبـان ..
نبــأ عــاجل يا أهـل الله ..
حكــامنا العوض ع الله ..
وحدتنا يا ناس أصبحت فضائيات ..
ألف دش فوق روسنا ضاوي ,,
شو يفيد البث الحي لشعب مـات ..
وبألف تلفزيون شو ســاوي ,,
قضيتنــــــا أصبحـت عربســـات..
ونشيد الوطن أتحول غنـاوي ,,
وإذا مش عاجبك هالمحطة حول ع النايل سات ..
حتى تسمع للسيد مكاوي ,,
أصل الوطن أتحـــول محطــات ..
وصارت كرامتنا فتـاوي ,,
يا وطن مسجون جوا الشاشات ..
عم تبكي وصوتك بالفضا داوي ,,
أهلك من النيل حتى الفرات ..
مثلك مساجنين بس بقهاوي ,,
فيـا خوفي من الحجة الجاية تكون الحجة صعبة ..
وبحجة مكافحة الإرهاب يحطو حارس ع الكعبة ..
ويصيروا يصفونا صفوف ونأخد إذن حتى نطوف ..
ويحققوا مع كل خروف رايح ينذبح ضحيــة ..
وبوش يصدر قانون ممضى من البنتاغون ..
اللي بيرجم إبليس الملعون ..
بيكون ضد النـازية ..
ونصير نطلع علي عرفات ..
واحد واحـد مش دفعــات ..
ونأخد ليستى بالدعـــوات ..
من البيت الأبيض ممضية ..
وبوش يقدم إحتجاج ..
يطالب بضحية الحجاج ..
تكون ثمن للأبراج ..
اللي وقعت بالصفية ..
يا شقاقي بلغ عيـاش ....
أمتنا في مبنى الإنعاش ....

https://www.facebook.com/abusous2000/posts/10154034629612143

ملاحظة

مضمون المقالات، المقابلات، أو الافلام يعبر عن الرأي الشخصي لمؤلفها وفلسطين في الذاكرة غير مسؤولة عن هذه الآراء. بقدر الامكان تحاول فلسطين في الذاكرة التدقيق في صحة المعلومات ولكن لا تضمن صحتها.

 

شارك بتعليقك

 
American Indian Freedom Dance With a Palestinian


الجديد في الموقع