القائمة
سومر يزور عبود ومحمد في المشفى..ويقضي على علب الشوكولا بسبب عدم توفر اللحم بعجين.عبود خرج اليوم من المشفى (: وسومر ذهب إلى الفرن.. ومحمد خرج امبارح وبيسلم عليكم..وأنا وقسمٌ من أبناء شعبنا منتشرون هنا في بلاد الكفار، وما تبقى من أصدقائي وشعبنا.. في البلم..أو على ضفافه.. والشهيد الذي وضع لايكاً على قصيدة حب طلع حسابه مهكَّر، ورفقاتي البنات شي عم يفصلوا لحالهن نقاب دبل أو تريبل يتماشى مع السماكة المطلوبة من داعش، وشي عم يطلعوا من غير هدوم مشان ما يوقفوهن الشبيحة بحجة الإرهاب، المهم أنو محمد بخير، وعبود بخير، وداعش بخير، وسوريا مو بس بخير..لأ وعيونها خضر كمان، ودول الجوار بخير، والفرن بخير، وهذا يعني أنو سومر بخير، إلا دول الكفار فهي ليست بخير، وهي بسبب الغزو البلمي النَفَري المكثَّف لشواطئها عم بتأسلِم بالعبري كل يوم.. وتلعن الساعة اللي تعرفت فيها على حقوق الإنسان.
على ضفاف البلم
من مذكرات سائح بالصرماية
https://www.facebook.com/abusous2000/posts/10154127639282143
شارك بتعليقك