الفالوجة: اسماعيل الناطور

الفاتحة
يرحمك الله

موقع المناضل عبد الفتاح حماد حسين الناطور---أبو محمد الشهير بأبو حماد
غفر الله له ورحمه
إنــــــــــــــــــا لله وإنـــــــــــــــا إليـــــــــه راجــــــــــــعون

معركـــة "هاتكفـــا".. حــرب وزغاريــد

عن احدى معارك سلمة حدثني عبد العزيز صقر (1924): بعد صدور قرار التقسيم صارت حادثه بسلمه، كان اليهود مبسوطين واحنا العرب كنا غاضبين من القرار.. كان في بنت من سلمة اسمها عائشة ابراهيم الحوتري، كانت تجمع الحشائش لأبقارها من بياره جنب مستعمرة هتكفا، اجو اليهود وحاولوا يعتدوا عليها.. صرخت البنت واجت الناس بسرعه لنجدتها... الحادثة صارت بساعات الغروب، اهل سلمة هجموا على مستعمرة "هاتكفا" وبدأوا باطلاق النار على حرّاس المستعمرة... النساء حملت اوعية الكاز وأعواد الثقاب لتزويد الرجال وبعد ساعتين احترقت المستعمرة... لما سمعت القرى المجاورة بالمعركة اجت تشارك وقويت المعركة، استمرت المعركة لغاية نص الليل، وصلوا المسلحين لحي شابيرا بتل ابيب، واليهود هربوا للبواخر بساحل البحر من خوفهم. قام اليهود بالاتصال مع سلطات الإنتداب بالقدس ورغم انه البريطانيين بهاي الفترة اعلنوا انهم ما راح يتدخلوا بالإشتباكات بين العرب واليهود، قامت جيوش الأنجليز بالتدخل لإنهاء المعركة وصاروا ينادوا بالمكبرات انه كل مسلح راح نلاقيه بعد الساعة الواحدة راح نطلق عليه النار. ثاني يوم المعركة كتب اليهود بصحيفه Palestine Post انه "قوات سعوديه ويمنية تهاجم وتشارك المسلحين من اهالي سلمه"...لانه الناس لما هاجمت كانت تقول "الله اكبر" وفكر اليهود انه هذا شعار اليمنيين والسعوديين".

هدة صورة عبد الفتاح حماد الناطور من مواليد الفالوجا ولكنه تربى وعاش في سلمة من ضواحي يافا وتزوج من دار العتال وكان من مناضلي المنظقة وبرز في معارك كثيرة دفاعا عن المنطقة قبل الهجرة وخاصة معركة بتاح تكفا حيث استطاع المناضليين اكتساح المستعرة واحتلالها هاجر الى غزة وعمل فى شرطة رفح الى وفاته في 1969