بيت عور التحتا: صورة لبيت من بيوت التراث الفلسطيني الاصيل - الحجارة والطين- يعود للمرحوم مهاجر عمر علي

خبرني يابيت جدي الله يرحم الي بناك

كيف حالتك بعدي ولا الزمان نساك

فاكر يابيت جدي كيف كنت أنا وياك

لما كنت أنا لوحدي أسهر ليلي معاك

وخبرني يابيت جدي مين بيرشلك الحوش

وقلي من بعد خيرك مين يسوي الشاي بالدوش

ومين بيبخر أشرابك ومين بيلمع الشربوش

ومين بيرخم الدهليز الي بأيام الصبا منقوش

وأخبار مبيتك إيش إلي بالفرح مفروش

وليالي النامسيه كيف وطرفها الي كان مخشوش

ومين بيقزقز الترمس ومين بيقرمط المنفوش

ومين يوقف على بابك يستنا التلاته قروش

وخبرني يابيت جدي كيف حال جدرانك؟

كيف مقعدك يابيت جدي وايش أخبار ديوانك؟

والله وحشتني بالحيل وحشني صرير بيبانك

وحشتني دعسة السقا على اعتاب درجانك

وحشني النمنم ابو ديل وبساسك وفيرانك

والبعبع وهول الليل وعفاريتك مع جانك

وحشتني اشجارك النيم ومرافعك وزيرانك

وحشتني كومة البرسيم ودجاجك وقفصانك

ايام رحت يابيت جدي في كل ركن لنا حكايه

هنا كانت مدورات ستي ومحارمها ومصلايه

هنا الكوبر والسيسم الخشبي ومشقره قديمه ومرايه

هنا كان كمر جدي وبسطونو وتكايه

هنا كان رحل القرآن وهنا كان معلقين آيه

هنا شربه هنا دورق بالزمزم مملايه

هنا مغراف هنا مشرب بريحة الخير مندايه

هنا سموار وبنت منقل وبخور في صره مخبايه

هنا نعناع هنا فوفل وشامي ولامي ومسكايه

هنا كان المركب فوق صحون رايحه وصحون جايه

هنا خرقة هنا صندوق وقفه من السقف مدلايه

هنا بيت البسه حق العيش هنا نحسان مكفايه

هنا بيت الملاعق كان وكومة رز منقايه

هنا بكرج هنا كفكير هنا منخل ومصفايه

هنا مرقة هوا ومكمور وعجينه بشاش مغطايه

هنا غريبه ومعمول وهنا كنافه مسقايه

وبخاخه وطباخه وتنكه كاز معبايه

هنا تطبخ لنا ستي بإيدها الحلوه المحنايه

هنا اتعلمنا معنات عيب هنا اتعلمنا ياساتر

هنا اتعلمنا احترام الشيب ونسوي للكبير خاطر

في احضانك يابيت جدي ..
اقروها على امهاتكم اوستاتكم اواسيادكم .. حيتزكروا هداك الماضي الجميييل

أخي موفق

قبل ثلاثين سنة كان جنب الطاقة ( الشباك على يمين الصوره ) دالية عنب وكان خلف البيت فيه برقوقة ( ثم العجل ) وكان فيه سلم أطلع عليه على شان أطول زغاليل الحمام . هذه الذكريات أخي العزيز تقتلني كل يوم