القائمة
أنقر الصورة للمزيد من المعلومات عن البلدةمشتاق عالشباك اقعد وصلي
واتامل البريه والسما تقلي
ارضك حنونه لا تبتعد عنها
الفراق شو بكا زيتونه الخلي
وشو دبل من الجفا ياسمين وفلي
يا بنت قريتنا يا سنابل تهلي
ميلي ارقصي هفهف هوا التله
يلا ع عين الميه تا نملي
خلينا هين بهالارض نبقى سوا
احنا انخلقنا تا اسم بلادنا نعلي
وما نترك مزرعه وحقل وكرم اهلي
نسهر ليالينا ع سطح الدار
ونكتب اغانينا قمح وبذار
مشوارنا بدينا ورح نكمل المشوار
نعشق روابينا ونسطر الاشعار
ع العونه ربينا نلبي الجار
الخوان فينا عمرو قصير وبيولي
عنا بيادر وقمحات وعنا غمار
عنا قناطر وتينات وجره من فخار
عنا جناين وزهرات عالاسوار
عتيقه هالعليه من طين ومن حجار
ومن السما قمر يسهر يرش انوار
حلوه بيوت العتابا تمولي
شارك بتعليقك