القائمة
أنقر الصورة للمزيد من المعلومات عن البلدةان متت قولو يا حسرته شو كان يغار
على البيادر بيتي وماضي الايام
وشجرات تميل برقه ان هبو الانسام
بعشق اللبن وغيرو ما في كلام
روحي من تراب الارض طلعت نوار
يا لبن يا بيادر احلى اسمين
بنام وبصحى وعنكم ما بتغفي العين
فداكم قلبي وروحي وفدا فلسطين
الارض ارضي وباقي احمي هالدار
بيكفي اني فلسطيني لعشق البلاد
وحب الزعتر والتين وزيتون الواد
صوتي من اللبن نادى عالاستشهاد
الموت ولا المذله بايدينا حجار
الموت ولا المذله هيك تربيت
وما في صهيوني تافه بيدنس بيت
ويلي استوطنتو اللبن فلوا هلكيت
كيف بتتحدو شعب ما يهاب النار
اللبن الشرقيه على السفوح
بلده حلوه وهواها بيرد الروح
ومهما اشتقتلها وزاد الدمع والنوح
راجع راجع لالها ان طال المشوار
احكي عني ضيعت وصرت مجنون
اول مره بحياتك صادق بتكون
لنو الي بعشق ارضه دمه بيهون
بعزتنا وكرامتنا ما ظني صار
بدي المس ايديك وشعرك بيرف
يلي ان ضحكتي ضحكه عقلي بيخف
بحس بكل الدنيا في بتلف
بانفاسك والنهدات يفوحو ازهار
لنك ريفيه وبنت قريه وفلاح
الا معك وحياتك ما ظن ارتاح
كنعنانيه وعليك الكوفيه وشاح
الدلعونا والزجل بصوتك وروار
شارك بتعليقك