القائمة
أنقر الصورة للمزيد من المعلومات عن البلدةوديني يا عينيه
طلعني على الجبال
خدني صوب البريه
اللبن يا شمس تطل
ع جناين من زهر وفل
يا بنت بيعشقها الكل
يا ضحكه من الله هديه
قطر الندى لما سال
على وجهك غنى موال
اللبن يا رقه شال
يا عصفوره عالميه
يا بنت الارض والكرم
على بعدك بدني انسم
ساق الله الشمل يلتم
فيك العيشه هنيه
بدي ارجع ما هاجر
عاللبن عالبيادر
سلم يا طير الطاير
عالخان وعالعليه
دلعونا ومجوز وسيوف
شباب بتدبك بصفوف
قول الزجل بدو دفوف
بدو الرده القويه
عاللبن شو ما قالو
سحرك ما في بامثالو
والي منك نيالو
لبناوي الهويه
لبناوي من السهل
من الجبل انتي الاصل
من ابنك ذاق المحتل
ويل وحسره وذليه
يا لبن يا بنت الروح
يا ورد بعبيره يفوح
عا غيرك وين بدي اروح
ترابك منبت حنيه
قد الدنيا بحبك
ما بغفى الا بحضنك
كل ما خفتي بضمك
بغطيك بايديه
جاي المطر والغيمات
تشتي قصص وحكايات
رجعت فينا الذكريات
لقصص الحب الشتويه
شارك بتعليقك