القائمة
أنقر الصورة للمزيد من المعلومات عن البلدةيا ميثلون يا عزوتي وناسي
ان كنت في الدنيا سارح فماني ناسي
بلادي وان طال الزمن وشيَّب راسي
ما عنها بديل ولو بالفاس
قطعوا الراس مش راح يغيروا احساسي
يا بو محلَّى البعد قاسي
مراح النتش فيها اللوز اخضر وقاسي
شوف الغنم تسرح بمراح القصر معلقة جراسي
تن تن تررن تن تن تررن هات الطاسة
تا نحلبها ونشرب ع الريق الكاس
وخلة لحصان تحت حريش الجاسي
تطلع عليها راكب والماشي يقاسي
من الصرار والحجار وإذا تعب وين الكراسي
والمرج يطف بالميِّة لأجدع الغطاس
وخيبر تنادي تعالوا يا ناسي
خلصوني من هاليهود الأنجاس
والسراب ع مد النظر بالزيتون كاسي
عمتي ع الطابون بتخبز اقراص
والزغاليل ع المسخن تصاصي
توكل والزيت من الكوع يماصي
ما تقوم عنُّو ولو طخُّوك برصاص
شارك بتعليقك