بقلم وائل أبو سمحة
يا جاي من ميثلون وجايب معك غنايم
بلادي أصيلة ما تعودت عالهزايم
بلادي مباركة فيها العز دايم
فيها الأنبيا والأوليا وشيوخ بعمايم
مر منها المصطفى وصلى فيها قايم
والصحابة زرعوها إرادة وعزايم
بلادي تصيح وين الهمايم
وين اللي سيفو يقطر دمايم
يرد العدا ويزيح عني الغمايم
وينك يا صقر بكفينا حمايم
يا خوي ويا ابن عمي ما بدنا ولايم
بدنا اللي يهجم عا الموت مصلي وصايم
ما يهاب المنايا ولا يخشى بهايم
اللي يبيع وطنو ويرضى بالخمايم
خليه وامشي عا دربك والرب دايم
البوم اللي لبلادو يا بايع يا سايم
شو جاب غير الذل والذمايم
أنا من اليوم ما عدت متردد وهايم
عرفت الدرب وغيرو مني رايم
دربك يا قسام هو الحل الدايم
شارك بتعليقك