رمون: يا بلد يسعد مساك - عطا سليمان رموني

يا بلد يسعد مساكِ
******
يا بَلَدْ يِسعِدْ مَساكِ * روحي واولادي فِداكِ
يرحَلوا عَنَّا عِداكِ * هَـب نَـســيـمِ الحُـرِيَّـة
------
يا بَلَدْ غالي ثَـراكِ * كُـلِّـنـا نـذُوبِ بـهَـواكِ
ربي تبريكات اعطاكِ * هَبّ نَسِيمِ الحُرِّيَةْ
------
رَبِّي قَداْسَةْ أهـداكِ * مَهْبَطِ الأديانْ اولاكِ
محبة شعبك أغناكِ * هَـبّ نَـسـيـمِ الحُريَّةْ
------
النبي الهادي أثراكِ * جَـبْهِتَهْ زانَتْ ثَراكِ
يـا بَـلَـد الله رَعــاكِ * هَـبّ نَـسِـيم الحُرِّيَةْ
------
يا بَـلـدنا ما احلاكِ *عشقنا يا اللي احياكِ
بقلوب الشعب غلاكِ * هَـبّ نَسيمِ الحُرِّيَةْ
------
طِفْـلِنا رَضَعْ هَـواكِ * ما حَدا مِنَّا بيِنْساكِ
في القَلِبْ مِنّا غَـلاكِ * هَـبّ نَسيمِ الحُرِّيَةْ
------
فلسطين عشقا زدناك * باللآلئ زيـناكِ
الـرَبَّ العـالي يِـعـناكِ * هَبّ نَسيمِ الحُرِّيَةْ
******
عطا سليمان رموني