سنجل: غروب من بين الجبال .... اكثر من رائع

من ذكريات ابو موفق

صار عقلي مثل المخبول بمروري بالذكريات
تتمشى بزقاق البلد واشوف الشايب والولد
والحارس عاعين البلد بقاتل بالصبيات
واحضر اعراس البلاد ودبك وارقص مع الولاد
وفايز على الجامع يناد الحلوة خمس قروشات
وعينا الغربية يا عين طريق العنب والتين
لدار فرحان مشمشتين جردناها الوراقات
وظهر العراق المشهور تيناتو فوق القبور
طاحون الزمن بالدور شو حالكن ياسوديات
ابو شكري باب الواد وابو موسى بالمرصاد
انحرموا من الاتحاد اسبابها وقوف الباصات
مش ناسي ايام الحنون وسناسلنا طوطي عيون
والبزيز والكلكسون والصيبعا والبريدات
مش ناسي عنب الوعار وحط الدبس بالجرار
وطير البرق والشنار وتيناتنا العدسيات
ونشملنا للشمال عالصلتانا والجبال
نرى عالروس التلال الباطن سيد التلات
انشوف ابو العوف الولي إلي ابياضة منطلي
مرج عرزل منخلي بالراعي والغنامات
جنوب تلال الشميس منظرها منظر عريس
الوطن بتقدس تقديس وين اهل الشهمات