فلسطين في الذاكرة من نحن تاريخ شفوي نهب فلسطين  خرائط 
القائمة الصراع للميتدئين دليل العودة صور
فلسطين في الذاكرة سجل تبرع أفلام نهب فلسطين إبحث  بيت كل الفلسطينيين على الإنترنت English
من نحن الصراع للميتدئين    صور     خرائط  دليل حق العودة تاريخ شفوي نظرة القمر الصناعي أعضاء الموقع إتصل بنا

الظاهريه: من تراثنا الوطني الفلسطيني...غني يا زهر الدحنون

  تعليق واحد
مشاركة علاء الدين مناع في تاريخ 12 تموز، 2009

صورة لمدينة الظاهريه - فلسطين: : منظر عام من البلدة القديمة أنقر الصورة للمزيد من المعلومات عن البلدة
غني يا زهر الدحنون...قصيده اعجبتني من تراثنا الوطني الفلسطيني...
ارجو ان تنال اعجابكم...


غني يا زهر الدحنون
وارقص يا خبز الطابون
طاح الشومر والزعتر
وودعنا سقعة كانون







فرحت عنزة جارتنا
لبست لاخضر قريتنا
من الخبيزة مونتنا
والبزيلا ام قرون



الفلاح اللي مكيِّف
مع انه الجو مصيِّف
بدو شهرين ونيِّف
وهو يوكل بقلة بليمون



من الصبح بدري يقوم
يحضَّر لقنابة لكروم
بحمل ع ظهره القدُّوم
ويكشكش نتش وطيون



بتطربني هالعصافير
تغرد قبل الشمس تنير
ع التوتة تهدِّي وتطير
بلبل قبَّر وحسون



والا مقيقات الشنار
في نيسان وفي آذار
والمداحي بالقنطار


( المداحي : الاعشاش)
باضت هون وقاقت هون




ميِّل بزِّر فول اخضر
وشوف الحنُّون الاصفر
ولقِّط خُرفيش وزعتر
لملم واشوي حلزون



وان عْطِشِت في ميِّة
ميِّة مُكُر شتويِّة


( مُكُر : حفرة في الصخر تتجمع فيها مياه الأمطار )
وريحة الميرمية
اطيب ريحة بكل الكون



حضر لزراعة الصيف
خلي تراب الأرض خفيف
الكوسا والفكُّوس نظيف

وشمِّر رجل البنطلون



شو بدِّي احكي تاحكي
قريتنا خير وبرَكِة
الله يديملنا الضحكة
بارض الزعتر والزيتون





إذا كنت مؤلف هذه  مقال وأردت تحديث المعلومات، انقر على ازر التالي:

ملاحظة

مضمون المقالات، المقابلات، أو الافلام يعبر عن الرأي الشخصي لمؤلفها وفلسطين في الذاكرة غير مسؤولة عن هذه الآراء. بقدر الامكان تحاول فلسطين في الذاكرة التدقيق في صحة المعلومات ولكن لا تضمن صحتها.

 

شارك بتعليقك

في قمة الروعة
 


الجديد في الموقع