اصرخ اصرخ علي الصوت
اوعى تستسلم للموت
من غزة حتى بيروت تحيا الثورة الشعبية

احنا شعبنا جبار
اتصدينا للاعصار
مهما طال الانتظار لازم تيجي الحرية

شعب يقاوم راح يظل
حتى يطرد المحتل
ما في عنا غيره حل برة يا الصهيونية

اتحملنا المذابح
وما قبلناش انا نصالح
احنا كالنسر الجارح جبهة جبهة شعبية

في عرابة وفي جنين
مخيم ابطال العين
من الجيب وجماعين ومن الفندو قومية

من غزة ورفح وعتيل
من خان يونس والخليل
ومن عكا حتى الجليل وكل الضفة الغربية

شعب مصمم يتحرر
مهما العدو يتجبر
بيجي يوم بيتقهقر ونحطم راس الحية

فلسطيني وما بخاف
وما بقبل بالاعتراف
الاحفاد بتتبع لسلاف وتسقط لامبريالية

مش ممكن نهدا ونلين
تا تحرر فلسطين
والرد بحمل المرتين والوحدة الوطنية

بدنا نقاوم بدنا نقاوم
ماهو منا اللي بيساوم
وع المعارك بدنا نداوم ثارت فينا الحمية

ملينا المفاوضات
بيكفينا تناقضات
وبنقول اللي فات مات وحطو الدية ع الدية

شوفو لما الشعب هب
وعا لعدا نيرانه صب
ميزان القوى اتشقلب في الانتفاضة الشعبية

خاف العدو من وحار
وصار يدور عالفرار
تحدينا بقوة لحجار لجيوش النظامية

حكمنا فينا الثورة
واشعلنا النار الحمرة
خذو من الماضي عبرة في الهبّة الجماهيرية

مهما التحرير يطوّل
عن ارضي مش متحوّل
راح المحتل يولول واخذ حقي بايديي

علمتنا التجارب
انو المفروض نحارب
واللي بيركب في القارب ما يخزقش الارضية

ديمة عمرنا بنجوع
تعذبنا افراد وجموع
لاخنوع ولا ركوع بالعز الموته هنية

لو حبسوني مش مهتم
هدموا بيتي ما بندم
لو جبلو ترابي بالدم ما بتموت القضية

اللي بدو اوطانه تعود
لازم يحمل البارود
ويدعم اسباب الصمود وما يغذي الفئوية

واللي بوطن مستكفي
بغزة وقطعة من الضفة
مش رايح يوخذ شقفة من المية للمية