القائمة
أنقر الصورة للمزيد من المعلومات عن البلدةحضرنا16 لقاء وكل لقاء كان مختلف عن الآخر مشوق لليوم التالي كان العمل على أنفسنا من الداخل بأن نصبح قياديات شابات من الدرجة الأولى . لنختلط بالمجتمع اكثر ليقبلونا الأهالي بافكارنا وإقتراحاتنا لهم .وبآخر المشروع طلب منا ان نعد مشروع خاص في البلدة التي ننتمي اليها مشروع مميز .. فكرنا اجتمعنا ناقشنا حاورنا اخذنا مختلف جميع أوجه النظرمن مختلف الأعمار.وأخيرا ثبتنا على فكرة النادي الرياضي في البلدة وبالفعل نتوجه مشكورين لرئيس المجلس بالمشاركه ودعمنا حصلنا على مقر للنادي الرياضي في قاعة المجلس .وبهذا اصبح لنا مقر للنادي الرياضي لنادي شباب النزلة الشرقية الذي لم يكن لهم مقر كل هذه السنين!!!نادينا نادي مميز طلابه أوائل المراكز يحصلون عليها بالمسابقات الخارجية.نحن أسسنا المقر ليصبح مشترك بسن الشباب والبنات في ايام محدده للطرفين حصلنا على أدوات رياضية وطاولة تنيس وطالبنا بالحصول على كومبيوترات لمساعدة الطلاب في المواضيع والتقارير وبفضل الله تم إنضمامنا رسميا إلى نادي الشباب الرياضي.قريبا ستنزل صور النادي على الموقع . تحياتي
( معلومات عن النادي )
مجال اللعب في النادي كرة قدم وكرة طائرة.تأسس سنة 2002 و 2003. تطور التدريب والمهارات عن طريق المدرب مسؤول الإتحاد فاروق النصار.والفضل في تأسيس النادي يعود الى المرحوم جبر كتانه.خاض الأعضاء أكتر من 200 مبارة. من الشمال للجنوب.
أما عن الجوائز في البطولات المحلية للأندية بتقارب (15) لقب واهم لقب فيهم ...
( بطولة المزرعة الشرقية) المركز الثاني..من بين 23 فريق...طبعاهذه المعلومات عن كرة الطائرة..
شارك بتعليقك
خالد الموضوع صعب حذفه من هذا الموقع لانه يوجد مشكله في الشبكه ..... الرجاء من الجميع عدم المبالغه في هذا الموضوع والكل مشكور على انجازاته لبلده سواء كانت من طرف الرجال او من طرف النساء
واللع عيب هذا الكلام يكون في موقنا والذي يشارك فيه نخبة من ابناء النزلة المتعلمين . فاذا كان هذا كلام المتعلمين بان ينسب كل واحد منا انا هذا انجازه وليس مشاركة الاخرين . فكيف يكون الحال بالنسبة للاميين . وما هو توقعكم من اي شخص قد يفكر بدعم اي مشروع اذا كانت هذه هي اللغة السائدة بيننا . والله لن نتقدم ما دمنا نتكلم بلغة الانا . يد الله مع الجماعة . ،امل ان يشارك الجميع بافكار بناءة والمرأة لها دورها على مدى العصور وليس الان فقط . فليقم كل بدوره والى الامام . اخوكم ابو باسل
شكراااا(حنين) ع الرد التطور دايما حلو لما بيكون من ايد اهل البلد .. الله يعافيكي
شكرااا ( عبدالإله)وعليكم السلام.العفو هاد واجبنا إتجاه بلدنا خاصة إحنا الجيل لجديد بس بدنا مين يفهمنا ويستقبل هالأفكار بحيوية عااامة ..بالفعل مو لازم نحكي انا اعملت وانت اعملت بس في ناس دايما بيحبو ينسبو الأمر لأنفسهم.دوم
ماعنا مااانع انكون بيد وحده بالعكس احب ماعلينا هالشي بالإتحاد قوة . الله يسهل الأمور
حلو كتير نطور قريتنا بس ياريت كلنا نكون بفكره وحده
ونبدأ بالأولى
والله الموفق
يعطيكو العافيه
الكل مشكور على انجازاتوا للنادي الرياضي وللبلد بشكل عام ولازم نكون كلنا يد واحده ما بدنا نحكي لبعض انا اعملت وانت ما اعملت لازم نكون متعاونين مع بعض لتطوير قريتنا.
عبدالاله كتانة
النادي ماكان إلو مقر أساسي يجتمعو فيه الشباب وهالغرفة يلي فوق يلي ابتحكي عنها هادي مجرد مستودع صغير كان ينحط فيه الاوسمة والدورع والماداليات يلي كانو يوخدوهاا .
وين قاعة الإجتماعات ؟؟ احكيلي ! الشباب كانو يدربو بالملعب بمدرسة الذكور.بس أبدا ماكان الكم نادي ومقرمتل العالم .
اذا انت منسق هالموضوع من اليونسيف على عيني وع راسي بس لاتحلم ابدا اني اتراجع واحذف هالمقال ابداا لإني عضوة بالنادي ولإني من البنات يلي طلعو بهالفكرة فياااريت تقبل انا صرنا معكم وجها لوجه ومافي شي اسموانت جهزت النادي لحالك احنا وين رحنا سعينا وإجتنا المعدات . وبنعمل بالمقر محاضرات وبنطرح مواضيع عدة . الشباب عم يلعبو شطرنج وتنيس . وإنشاء الله رح يتعمر أكتر وأكتر بإيدينا