فلسطين في الذاكرة من نحن تاريخ شفوي نهب فلسطين English Version
القائمة الصراع للميتدئين حق العودة 101    صور     خرائط 
فلسطين في الذاكرة سجل تبرع أفلام نهب فلسطين إبحث  بيت كل الفلسطينيين على الإنترنت English Version
من نحن الصراع للميتدئين    صور     خرائط  حق العودة 101 تاريخ شفوي نظرة القمر الصناعي أعضاء الموقع إتصل بنا
al-Samu' - السموع : خراريف ( قصص ) بلدي ^^^ د. ابو بهاء الدين محمود ابو الكباش

شارك بتعليقك  (9 تعليقات

أرسل لصديق
طباعة
العودة إلى السموع
כדי לתרגם עברית
مشاركة ابو بهاء الدين محمود  في تاريخ 25 تشرين أول، 2007
بسم الله الرحمن الرحيم
&&&&&&&&&&&&&&&&&&&

سأحاول جاهداً استرجاع ذاكرتي كي اكتب القصص( الخراريف ) التي كنت اسمعها في الطفولة

***(1) خرفية عديديسة والغول.

وجاء وقت النوم ، وكان الاطفال يطلبون من جدتهم اومن امهم او اختهم الكبيرة ان تروي لهم قصة ( خرفية ) فيقولون لها - خرفينا خرافية - فتغطيهم بعد ان تفرش لهم الجنبية ( الفرشة) وتغطيهم بلحاف من الصوف وتبدأ في الخرفية

في يوم من هالايام راح ابو عديديسة يحرث الارض طلع من عقاب الليل ...ركب هالحمار وظل يمشي يمشي يمشي تمنو وصل عند الارض ...وصار يحرث ويحرث

قالت ام عديديسة لعديديسة يما بدي تروحي تودي لابوكي الاكل ...قالت عديديسة طيب يما ...سوي الاكل وانا بوديه ...وسوت امها الاكل وحطته في الزبدية وحطتلها الخبز في الكنف وقالتلها يلا احمليهن ووديهن لابوكي ...

مشت عديديسة مع الطريق وظلت تمشي وتمشي تمنها وصلت ابوها لهو اساع قاعد بحرث
حطت الاكل واجا ابوها يوكل وظل يوكل تمنو شبع
قلها يابا روحي هلحين بلاش تتاخري في الطريق الطريق طويلة ادوبكي تصلي
قالت عديديسة طيب وقامت تروح بس بقت الدنيا متاخره وظلت تمشي تمشي تمشيييييي
تمنها صارت الدنيا ليل ...وصارت تمشي بسرعه مشان تلحق تروح ...بس مهي تاخرت كثير
الا وهو طالعلها الغول ...قلها انتي عديديسة ...قالتلو اه انا عديديسة
وين بدك تروحي
على امي على دارنا
قلها اركبي على ظهري اوصلكي
وركبت على ظهره
ولمنها وصلت الدار قلها نادي على امكي
صارت تنادي يما انا على ظهر الغول والغول بدو ياكلني افتحيلي يما
انا على ظهر الغول والغول بدو ياكلني افتحيلي يما
افتحيلي الغول بدو يوكلني
وامها مفتحتش الباب
ظلت تنادي تناديييييييييي ولا امها ردت عليها
المهم نادت على جدتها تفتحلها ومفتحتلهاش
ولا حدا فتحلها الباب
لهو الغول بقلها بدي اوديكي على الطابون
صارت تصيح يما افتحي يا جدي افتحي ولا حدا برد عليها
اخذها على الطابون الغول واكلها
والصبح اجت امها تخبز لقت عظام عند الطابون
صارت تصيح هذول عظام عديديسة
يا ويلي الغول اكل عديديسة
===============================



ويموتو الاولاد من الخوف وينامو مرعوبين من القصه المرعبة

واللي يقوم في الليل يصيح

واللي يعملها على حالها من الخوف

وبهيك ربينا على الخوف من هالقصص السلبية

ومع غير هاي القصه ان شاء الله تعالى

ان شاء الله تعجبكو




إذا كنت مؤلف هذه  مقال وأردت تحديث المعلومات، انقر على ازر التالي:

ملاحظة

مضمون المقالات، المقابلات، أو الافلام يعبر عن الرأي الشخصي لمؤلفها وفلسطين في الذاكرة غير مسؤولة عن هذه الآراء. بقدر الامكان تحاول فلسطين في الذاكرة التدقيق في صحة المعلومات ولكن لا تضمن صحتها.

 

شارك بتعليقك

مشاركة الين في تاريخ 9 حزيران، 2008 #41389

قصة كتير حلوة انا بسمع عنها من زمان بس ما كنت اعرفها بس اسمع جيرانا بقولوا قصة عديديسية بس ولا عمري سألت شو هي؟ وهلأ حصلي الشرف وعرفت هالقصة الحلوة
انا معك هي قصةالها نواحي سلبية وفي قصص بتشبهلها بس كمان في قصص كنا نسمعها كتير حلوة كانت تقلي ياها ستي متل قصة الشاطر حسن وقصة مدق التوم وقصص كتير حلوة لما اتذكرها برجع طفلة وبتذكر قلب ستي الكبير قولكون ليش الاطفال بحبوا جداتهون
بعتقد اني بالمستقبل رح احكي هالقصص لاولادي مشان يبقى تراثنا متواصل خصوصاً بلاد الشام لانها بنظري هي بلاد واحدة وثقافتها وعاداتها وتقاليدها واحدة وبشكل عام عربياًلحتى يبقى هالتبادل الثقافي بين كل العرب ونتعرف كلنا على ثقافات بعضنا او بالاحرى عادات بعضنا
شكراً ابو بهاء قصة كتير حلوة بس ما رح قولها لاولادي إلا لما يكبروا ويصيروا يفهموا انه كله هاد حديث الليل
مشاركة اخو عيسى في تاريخ 15 آذار، 2008 #31783

عشاني خفت من هاي القصه فحاب احذر منها ههههههههههه
تفضل يا سيدي احكيلنا
مشاركة هشام  في تاريخ 14 آذار، 2008 #31723

السلام عليكم
يا اخي انت حكيت قصة مرعبه فهناك رحمة الله جداتنا واجدادنا كانوا يحكوا لنا القصص المعبرة التي تربي على الكرم والاقدام والشجاعة .بس ليش انت ما اخترت غير هذه القصة .والله يعطيك العافية وما قصرت
مشاركة ابو بهاء الدين محمود في تاريخ 6 كانون ثاني، 2008 #26652

مشكور جدااااااااا اخي العزيز
هذا من لطفك
مشاركة أحمد الدغامين / ابوسلام  في تاريخ 5 كانون ثاني، 2008 #26630

ذكرتنا يا أخي محمود بهذه القصص الخرافية الخياليةالتي كانت مسليةللاطفال قبل نومهم ولكن أثرها النفسي على الاطفال مخيف وخطير لا يعرف أبعادها النفسية أجدادنا وجداتنا- أثرها على أطفالنا0 لكن فيها ايجابية واحدة يا أخي محمود وهي تحكى وتقصص بلهجة محلية ولكنة تختلف عن لهجات أي مجتمع آخر حيث أستطيع أن أعرف وأميز وأدرك معاني مفردات ولفظات كلمات هذه القصص من بين العشرات الاخرى سواء كانت فلسطينية أو حتى عربية0 أعني من حديثي أستطيع أن أعرف وأميز اللهجة واللكنة السموعية المحلية عن سواها وهذا يساعد وطنيا في الحفاظ على لهجاتنا المحلية خوفا من الاندثار والزوال0 شكرا لك أخي محمود على جهدك الذي يستحق كل الاحترام0
مشاركة Dr.Mahmoud في تاريخ 1 كنون أول، 2007 #24430

اللي ما بيخاف ما بيخوف اخي ههههه
طبعا لا بد من ذلك
شكرا لك
مشاركة حسن سلامين في تاريخ 30 تشرين ثاني، 2007 #24408

اكويس والله .... بس أترك الخوف ،وابعدو عن اولادك وربيهم على الإقدام ... فالمشوار طويل.
مشاركة ابو بهاء الدين محمود  في تاريخ 29 تشرين أول، 2007 #22527

الله يحلي ايامك كلها
والله يعافيكي
ترا هاي القصص ربتني على الخوف فأنا رجال خويف
هههههههههههههههههههه
مشاركة ليلـــــــــى (==>laila<==) في تاريخ 29 تشرين أول، 2007 #22524

حلووووووووووووووي الله يعطيك العافية والي الامام هههههه :):)
يلا سلامات