حيفا: سهام محسن (ام صبري) --مالكة مخبز ام صبري -- المزيد عن سهام ومخبزها اسفل الصورة

نا كتير بحب العجين والخبيز ودايماً كنت اخبز على الحطب وكل الوقت كان بدي اعمل اشي بحبة، اشي الي، يكون خاص فيي
بجيل 52 قررت افتح مخبز بوادي النسناس واسميه مخبز ام صبري بالبداية لما شاركت جوزي واولادي عارضوني بسبب الجيل، بس بعدين لما شافوا اصراري صاروا هني الداعم الاول الي
قبل ما افتح المخبز كنت اشتغل بالفلاحة ولصعوبة الوضع كنت اخذ اولادي معي عالارض عشان يساعدوني، انا وزوجي درنا بيت وربينا 11 ولد
دائماً بتذكر حالي شخصية عصامية امي توفت وانا بنت صغيرة ومن بعدها انا اهتميت بأخوتي الصغار وربيتهن وكبرتهن
اليوم الحياة تغيرت والنساء صارت تقدر تشتغل وتجيب مصاري وعندها القدرة انها تعتمد على حالها وتساعد زوجها بمصروف البيت غلط اذا الوحدة منا واجهت صعوبة تترك وتروح الوحدة منا لازم تكافح وتحارب وتكون صبورة
سهام محسن (ام صبري)
مالكة مخبز ام صبري .
هنا حيفا חיפה Haifa 💛