القائمة
أنقر الصورة للمزيد من المعلومات عن البلدةخيا فتحت كتاب صرله سنين
بالجمرات كاويني
والأرض بحرف اهتزت والكلمات تكويني
وخفت الوطن من بعدي عنه الزمن يطويني
وتسيل من عيوني دمعات النوى
***
خيا الحطب مفقود والحطاب بجماله شرق
ظهري من البرد انحنى والشمس تغيب وما تشرق
وانطر رجعته هون بالحطب و بجيته دنياي تشرق
وقربه حدي هو اللبدفيني
***
ابن الأصل لوغابت نسمة هوى البلادعن
يموت من كثر الجفا وينادي كيف الوصل
ويذكر ايام التقينا ويذكر ايام الفصل
وكيف افترقنا وابتعدنا عن بعضنا
***
خيا بحن كتير للزيتات والتينات
والمية
وراعي الغنم محمود والقطين
والشجرات والفيه
ونسمة هوى العنبات والكرم ال بيدي زرعته
من سنين ما شفته ولا سقيته بايديه
ولمات العراس والدبكات لو ترجع شوية
لميجن ميجنه بصوتي وارقص على دلعونه
***
من الغربة خيا زهقت واقرفت الحدود
حد للغربة ما شفت ولا الها خيا حدود
والشيب براسي مضى واصبحت مثل العود
وحدود تكتبلي منع وحدود تحرمني الهوا
###
خيا لاجئة اسمي اخذته من يومي
بالوطن وبغربتي قاسمته بهمومي
ما هو بخاطري انكتب ولا من امي المظلومه
بستنه خيا رجعتي وبلادي عود بهنا
-------------
بالطبون بعدكم بتعملوا زعتر
والشاي بغلي ع النار بتمختر
والكستنه بالشتا بتطقطق وتتنثور
ياريت العمر يرجع نزغر ونكبر سوا
مشتهي قرص جبنه من بنت فهمية
وحبة لوز من شجرتنا عند عين المية
وحفنة قمح مندية من زرع رسمية
وشمس نهارنا يضوي علي انا
--------------
نفسي اشوف الثور والمحراث والمنجل
واحصد بايدي كرسنة وحمص وما اخمل
حالتي هون بغربتي اخبرك؟؟ لالا والله بخجل
من كثر الرعد والبرق عندي طرش وعمى
الغريب فاتل بوزه بالعقده
لا الك معاه حكي ولا الك قعده
دوم يتفشخر عليك وبتوخذه النهدة
كانك من الارض وهو جاي من السما
-------------------------
القهر شرش بعضمنا وكسر
نسمع اخبار الوطن وبليلنا بنسهر
الموت بيد العدا بس بايدينا اكثر
خلونا لاجل الوطن نموت بايد اعدائنا
---------------------------
الدمع من العيون ممنوع يظهر
والقلب مجروح والدمات تتصدر
والليل بيجي ويروح ما يحلى فيه نسهر
لان اللي ونجومه احلى عندنا
-----------------------------
بتمنه نمشي سوا عل العين
العدينه حجاراتها من سنين
بيدك تشربني واسقيك بالاثنين
بعدها اموت وما اشم الهوا
ألزيناتي و ليندا
14/3/2008
شارك بتعليقك