القائمة
أنقر الصورة للمزيد من المعلومات عن البلدةقصة الحجة الاجئة اسمها ام فخري الله يرحمها عند اليهود ما احتلو الضفه سنه 67 صارت الناس تروح تشتغل عند اليهود بالزراعه كان عنا واحد اسمو مصطفى السلخي نزل يشتغل والا هوي بشتغل بمستوطنة رناتيا اللي هي بالاصل اسمها رنتيه
سمعت الحجة اسمها ام فخري من دار الاقطم انو مصطفى بشتغل هناك طبعا مصطفى السلخي من الزاويه وهي ساكنه الزاويه من 48 راحت عليه وحكتلوا بدي اجي معك على رنتيه حكالها ليش بدك تروحي حكتلوا مشان اعيد ذكرياتي حكالها تعالي راحت
اول ما وصلت شافت بيتها للعلم رنتيه ما دمرهاش اليهود سكن فيها يهود مغاربه المهم شافت بيتها وكان في ساحه البيت شجرة توت كبيره متل ما تركتوا موجود كان تحت التوته طاحونه قمح يدويه كايني عند ما هاجرت مخبيه كل دهبها ودهب بناتها تحت الطاحونة مصطفى صار يحكي مع اليهود اللي سكنوا البيت وهي حفرت تحت الطحونة وطالت الذهب اكتر من كيلو دهب اللي طالتهن هدى القصه حصلت في سنة السبعين واليهود ما عرفوش ليش حكتلهم بدي الطاحونة
واخدت الطاحونة الله يرحمها توفت قبل سنتين كان عمرها اكثر من 100 سنه واندفنت في بلدنا
القصة كما رواها لي الاخ احمد رداد من الزاويه
شارك بتعليقك