فلسطين في الذاكرة من نحن تاريخ شفوي نهب فلسطين  خرائط 
القائمة الصراع للميتدئين دليل العودة صور
فلسطين في الذاكرة سجل تبرع أفلام نهب فلسطين إبحث  بيت كل الفلسطينيين على الإنترنت English
من نحن الصراع للميتدئين    صور     خرائط  دليل حق العودة تاريخ شفوي نظرة القمر الصناعي أعضاء الموقع إتصل بنا

سلمة: ابو خضر السلمان قرية سلمة/ يافا

مشاركة mohammad abu al-anain في تاريخ 14 آذار، 2008

صورة لقرية سلمة - فلسطين: : قهوة الحوتري المغتصبة والان منزل لاسرائيلي. 1987 أنقر الصورة للمزيد من المعلومات عن البلدة
ابو خضر السلمان

قرية سلمة/ يافا

العمر: عشرين سنة يوم النكبة



كنت اشتغل بالبيارات بسلمة، كنا قريبين كتير من تل ابيب، بالكتير ستة كيلو بينا وبين يافا، كانت العلاقات بيننا وبين اليهود منيحة، بعدين صارو يبنو بتل ابيب ويستعمرو الاراضي، مكانش اسمها تل ابيب، كانت تل ابيب جزء من شط يافا، كان بيننا وبين اليهود ارض صغيرة خالية.



التغير بالامور صار بعد ما اتخذو قرار التقسيم سنة ال 1947، صارت الاشتباكات بين اليهود والعرب، استمرت بسبب انه الانجليز كانو بدهم ينسحبو من فلسطين ب 14 ايار،



قعدنا في حالة دفاع قوي مدة خمس اشهر، وكنا صامدين في قرانا طول الفترة من يوم قرار التقسيم بتشرين الثاني 1947 حتى ربيع ال 1948، بعدها اتغيرت الامور، صار عندهم سلاح اكتر وافضل اليهود، واحنا ما عنا الا البواريد، هما صار عندهم المورتر، بشهر اربعة سقطت يافا.



اليهود ضربو القري الفلسطينية المجاورة النا، وخشو على هاي القرى وعملو الفظايع تاعتهم، احنا طلعنا مشي، اليهود ما سكرو طريق الخروج من القرية وانما سكرو الطرق الفرعية، احنا طلعنا من سلمة ب 17/4/1948، طلعنا بموسم البرتكان، اشتغلنا شهر بالبرتكان قبل ما نهاجر من سلمه، البلد تاعتنا كانت بعيده عن الضفة الغربية، عشان هيك كانت صعبة علينا نرجع بالتهريب عالبلد عشان نلقط البرتكان.



اول اشي وصلنا لقرية صرفند، يعني على حدود قرار التقسيم، بعديها اليهود احتلو صرفند اللي خارج حدودهم المفروض تكون، بعديها هربنا على اللد، وصارت مأساة اللد واتهجرت اللد، قعدنا بس يومين باللد، وتاني يوم بالسماعة اسمعناهم يقولو اخرجو من البلد فوراً، وضلينا نمشي نمشي عالجبال، في ناس كتير عالطريق ماتو، وكانت كتير شوب، ما كانو يسمحولنا اليهود يومها انه نمشي عالشارع الرئيسي عشان هيك خلونا نمشي عالجبال، وبعدها مشينا برحلة العزاب من بلد لبلد.



انا رحت ازور يافا بعد النكسة، مش خايف اشوف سلمة، بس ما سنحت فرصة اني اوصل سلمة، سلمه جاي هلأ بقلب تل ابيب، بس اصحابي اللي زاروا سلمه قالولي انه سلمه مش موجوده عالخارطه هلأ وصارت حي من احياء مدينة تل ابيب.



إذا كنت مؤلف هذه  مقال وأردت تحديث المعلومات، انقر على ازر التالي:

ملاحظة

مضمون المقالات، المقابلات، أو الافلام يعبر عن الرأي الشخصي لمؤلفها وفلسطين في الذاكرة غير مسؤولة عن هذه الآراء. بقدر الامكان تحاول فلسطين في الذاكرة التدقيق في صحة المعلومات ولكن لا تضمن صحتها.

 

شارك بتعليقك

أنا أصلي من سلمة ، واللي بعرفو من ابوي انها لواء اللد ، مين بعرف حدا من عيلة سويدان - سلمة - ،؟ وفي ناس من غزة ونابلس ؟؟ والله احترنا
ممكن حدا عندو معلومات عن ال وردة يبعتلي اياها انا من بلدة سلمة يافا
توفي الاجداد والاباء وورثنا حبك والانتماء لك منهم, ولن ننساك يا سلمة .
لؤي سعيد / الاردن
انا اصلي وفصلي من سلمه من عشيرة ابو غنيم (ان لم اكن فلسطينيألتمنيت ان اكون فلسطيني ) عاشت فلسطين حره ابيه واتمنى من الله اموت في ترابك يا فلسطين ( وبلخاصه سلمه ) مدينة البرتقال
وانا كمان من سلمه وسآكن بغزة تحيآتي لكل اهالي سلمه الموجودين هون
اريد اقول البارحة كانت النكبة الفلسطينبة
ارجو انكم تجعلو اسمي في الاعضاء من يافا وانا اسمي مها ساكنة بالاردن
ارجو انكم تحطوا اسمي عند يافا
انا مها اقول انا من يافاانا رح احكي لاولادي واخليهم يحبوا بلدهم فلسطين
اعجبتني هذه القصة انا كمان صارلي هيك
تحيه من سامر سعيد محمد حماد ولنا عوده بأذن الله
وانا كمان من سلمة... سنعود بإذن الله
كيف نعمل رابطه لاهالي سلمه
مشكور اخي ابو ربيع ونحن من سكان سلمة
وانشاءالله يوم من الايام سوف نعود الى سلمة رافعين رؤوسنا
حياك الله يا ابو خضر
الى الاخ ناصر هي تابعه لقضاء يافا
السلم عيكم السؤال قرية سلمة الى اي قضاء كانت تتبع قبل النكبة عام1948
ممكن حدا يخبرني عن دار ابوربيع من سلمه
 


الجديد في الموقع