فلسطيني ----- ممنوع تعيش
قالولك : اسكت ---- ماتحكيش
انت خلقت للتلطيش، للحواجز للمعابر للتفتيش

كتبوا علي جبينك ينداس ، من الضابط للشاويش
فلسطيني قالولك ممنوع تعيش

فلسطيني ممنوع تثور
مقهور و مش مسموح تكون ، اياك تطالب بحقك
اوعك بيوم تشوف النور
ممنوع تجدد هوية ، ممنوع تجدد بسبور
فلسطيني و بدك تتعلم !!! ، هاي الشغله ضد الدستور
فلسطيني لازم تتألم ، من دون ما يشوفك دكتور
فلسطيني ممنوع تتكلم ، و لا يطلع بجناحك ريش
فلسطيني ممنوع تعيش
***
فلسطيني بكل المطارات ، اسمك بالأحمر مكتوب
و على شباك مصلحة الجوازات ، كتبوا ع جبينك مطلوب
لازم تتوقف ساعات ، مذنب او من دون ذنوب
و يتوجه الك اتهامات ، انك سبب كل الحروب
كأنو بسببك الحق مات ، و العدل بأرضك مسلوب
و كأنك سبب النكسات ،و كل ازمات الشعوب
و كأنو بسببك مجرم فات ، ع جنين بلحظه الغروب
و دبّح صبيان وبنات ، و عجوز على امرها مغلوب
***
مع انو الحقيقه
انا الي بالدنيا ضحية
عملتوني ماده للغنى ، و قضية للي ما عندو قضية
انا الي راسي ما إنحنى ، بوجه الريح القوية
انا الي شعبي صمد ، في الضفه و بالرشيديه
انا الي شعبي انتفض ، و بحجر حارب دوريه
و اليوم و بكره و للابد ، عنا كلمه وحده هي

فلسطين عربيه
و راح تبقي عربية ، عربية و راح ترجع
زي ما وعد رب البرية

ملاحظة

مضمون المقالات، المقابلات، أو الافلام يعبر عن الرأي الشخصي لمؤلفها وفلسطين في الذاكرة غير مسؤولة عن هذه الآراء. بقدر الامكان تحاول فلسطين في الذاكرة التدقيق في صحة المعلومات ولكن لا تضمن صحتها.

 

شارك في تعليقك أي تعليقات مؤذية، تهجمية، أو متعالية على الآخرين ستحذف فوراً. الرجاء كتابة تعليقات متواضعة، وإذا كان عندك إنتقاد فإجعله بناء. الأسم البريد الألكتروني* اللغه عربي إنجليزي يرجى الملاحظة اننا نحذف أي تعليق يحتوي على روابط. *يرجى الملاحظه باننا لا نشارك  بريدك الألكترونى مع زوار الموقع على الأطلاق وكل المراسلات تتم من خلال الموقع.

مشاركة اكرم البزور في تاريخ 14 نيسان، 2008 #34733 بسم الله الرحمن الرحيم قاتلوهم يعذبهم الله بايديكم ويخزهم وينصركم عليهم ويشف صدور قوم مؤمنين.......صدق الله العظيم

مشاركة اكرم في تاريخ 14 نيسان، 2008 #34724 السلام عليكم............تحياتي لاهل قريتي (رابــــــــا الصـــــــــمود) يا الله شو مشتاق للبلد . ...........مشتاق للمراح والسالمة... بتندم لانو راح موسم الربيع علي لاني حاليا بالاردن ما كنت ببلد الجمال وبلد الخضار بلد الربيع (رابا) بس راجع انشاء الله .............مشتاق لبلدي

مشاركة اشتياق في تاريخ 29 آذار، 2008 #33153 القصيدة فعلاً تجسد معاناة شعبنا الفلسطيني في كل مكان القصيدة من تأليف الشاعرالمغترب شاعر الحرية بلال عبدالله أتمنى أن تتعرفوا الى المزيد من أعماله الأدبية في مدونات جيران

مشاركة اختك يا غزة عبيدة  في تاريخ 26 آذار، 2008 #32835 يا اخي انت معي في كل درب فاحمل الجرح وسر جنبا لجنب يا غزة دعينا نحمل جرحك فكيف الملتقى فيا غزة الضفة لن تنساك فنحبك فنحبك ...للكلام تتم لكن في الملتقى جزيت الجنة يااختي او يااخي فلســ*غــزة*ــــطين

مشاركة sheren في تاريخ 16 آذار، 2008 #31895 أرجو من كل ام فلسطينية خارج وطننا الحبيب أن تعرف أبنائها على الوطن فلسطين وأن تذكرهم دائما بهويتهم وأن تضع لهم هدف العودة وتحرير الأرض بأذن الله وليكن الله معنا .

مشاركة Omar Soboh في تاريخ 11 آذار، 2008 #31301 الصمت ابلغ من الكلام....................رائع

مشاركة Maiss Odeh في تاريخ 9 آذار، 2008 #31105 عنجد قصيدة بتعبر عن معاناة شعبناومعك حق في كل كلمة كتبتهاأيها الكاتب الله يحميكوا

مشاركة ياسمين الفلسطينية في تاريخ 10 شباط، 2008 #28877 تسلم ايدين الي كتب هالقصيدة الي بتجنن وبدي احكيله انو ربنا كبير ومابيرضى الظلم فاذا كان اليوم علينا وضدنا بكرة بكون النا ومعانا يااهل فلسطين قلوبنا معاكم والله كريم

 

الجديد في الموقع