نابلس: صوره قديمه لنابلس

آآآآآه يا نابلس
يابيي ما أحلاكي
أنا بعرف نابلس قبل ال 67
حلوة ، بسيطة ، اهلها طيبين ( لغاية اليوم )
زي ما انتو شايفين معظم بيوتها طابقين أو ثلاثة على الأكثر
على اليسار بتقدروا تشوفوا ملعب كرة القدم تبع مدرسة الصلاحية ( للبنين ) وجنبه على طول مدرسة العائشية للبنات
على اليمين مدرسة الجاحظ الثانوية وخلفها على طول مدرسة عمر بن العاص الأعدادية ( للبنين ) وهذول المدرستين انا درست فيه ( اليوم تغيرت أسماء هالمدرستين )
شارع فيصل يظهر في وسط الصورة ( افقيا ) لاحظوا تقريبا ولا سيارة
كنا نمشي طول الوقت ، كان فيه باص البلدة اللي بيلف نابلس كلها ( باصات التميمي وباصات الشخشير ) موديلات دودج 1955 أو 56 لغاية 1960
شي حلو كتير
اليوم كبرت نابلس وصار فيها عمارات عالية وكترت الناس ( بعدها حلوة ) البلد القديمة ما تغيرت سوق البصل وخان التجار زي ماهم حلوة كتير

زرناها العام الماضي بعدغياب 40 سنة ( المشهد كان عاطفي جدا ) كأن الروح رجعت للجسد

نتمنى نموت عاترابك يا فلسطين

انشاء الله سنعود الى بلادنا وستحرر فلسطين باذن الله تعالى

الصوره مأخوذه من شارع بيكر و تظهر كازية التميمي كما و تظهر مدرسة عمرو بن العاص و العائشية و ملعب الصلاحيه ولم تظهر صورة مسجدمعزوز لانه لم يكن مبنيا.