| PalestineRemembered | About Us | Oral History | العربية | |
| Pictures | Zionist FAQs | Haavara | Maps | |
| Search |
| Camps |
| Districts |
| Acre |
| Baysan |
| Beersheba |
| Bethlehem |
| Gaza |
| Haifa |
| Hebron |
| Jaffa |
| Jericho |
| Jerusalem |
| Jinin |
| Nablus |
| Nazareth |
| Ramallah |
| al-Ramla |
| Safad |
| Tiberias |
| Tulkarm |
| Donate |
| Contact |
| Profile |
| Videos |
Post Your Comment
*It should be NOTED that your email address won't be shared, and all communications between members will be routed via the website's mail server.
بدأنا نحس بالخطر لما اجو علينا لاجئين من السميريه والكويكات والقرى المجاورة، قسم قعد ببيوتنا وقسم نام تحت الزيتون... كانوا اللاجئين يدخلوا على عمقا ويقولوا "اليهود... اليهود اجت اليهود علينا". بعدها الطيارات صارت تحوم فوق البلد.. لولا الطيارات اللي دخلت علينا ما طلعنا من عمقا. أهل عمقا ما كان معهم بواريد.. بالليل كانوا يعملوا دوريات حراسة بس الحرس مش من بلدنا كان من القرى اللي حوالينا... أهل بلدنا كانوا كثير فقراء.
اليهود اجو من الكويكات ودخلوا بالدبابات بالليل على عمقا والطيارات من فوق.. الناس صارت تهرب وما بقي بعمقا حدا.. ياما أولاد ماتت وهي طالعه مع أمهاتها.. اللي حاملي ولدين ثلاثة وحاملي أغراض ولقمه اكل كيف بدها تعمل ؟!.. في أم ناسي ابنها بالبيت وحاملي مخده.. لما طلعت الناس كانت تركض بدون تفكير..
لما طلعنا كان في بعمقا خانوق رحنا نتخبا بين عروق العمدان من الطيارات، ما اخدنا معنا اغراض، طلعنا باواعينا.. وبعدها رحنا على يركا، بتذكر أمي كانت ماسكيتني من ايدي ولما ما اقدر امشي تصير تجرني من شعري