Bayt Iba - بيت إيبا: منظر عام

i love u palastain (Bayt Iba i misssssssssssssss u so mauch

السلام على أهلي وتراب بلدي بيت إيبا
أنا بقترح على الموقع إنو يسوي أنساب كل قرية وعائلاتها, سهل عن طريق برنامج يدخل له المشارك من الجد - على الأقل - الخامس أو أكثر إذا ما توفر و أن يكون هناك من يصادق على المعلومات كمشرف من كل ساكن أصلي بالقرية وبالتأكيد بالرجوع للمؤرخين المحليين والمراجع المتوفرة.
من ثم عمل روابط ما بين الأجداد الخامس السادس ...العاشر وهكذا حتى نصل لأنسبنا و أعراقنا و أصولنا وتاريخنا في فلسطين.
يجب على أحد أن يعمل على تطبيق ذلك.
يا أخوان النسب برد الأصل و مع الزمن يندثر النسب, ومن خلال توثيقه يبقا الإنتماء فينا و في الأجيال القادمة.
اليوم الواحد يادوب بعرف إبن عمو اللزم وبكرة يادوب بعرف أخوه وهاد يلي بيصير, لما الأخ يهاجر ويترك بلده زي ما صار مع أبهاتنا بالستينات إشي راح على الكويت السعودية الأردن العراق سوريا أمريكا أوروبا ووين ما كان أولادهم فيهم إنتماء لبلدهم وقريتهم بس أحفادهم يا خسارة بجووز بسمعو من أجدادهم إذا كان بالأصل موجودين.
أنا بعرف جيلي: بأول جيل مولود خارج فلسطين ب جيل التغريبة الأول والآن في الثاني والثالث وبالخط الأحمر بقول لكل فلسطيني إنو من الجيل الثالث وطالع - وهذا ميا يهدف له الإحتلال - رح يكون إنتماهم للأرض يتقلص حتى يتلاشى.
تقريبا بالنسبة%:
مواليد فلسطين الجد/إنتماء: 100% - بقى في أرضه - الأصل
مواليد فلسطين الأب/إنتماء: 80% - من ترك أرضه - التغريبة
مواليد خارج فلسطين حفيد الجد/إنتماء: 50% جيل التغريبة الأول
مواليد خارج فلسطين حفيد الأب/إنتماء: 30% جيل التغريبة الثاني
مواليد خارج فلسطين حفيد الحفيد/إنتماء: 10% جيل التغريبة الثالث
وهييييييييييييك لما يضيع النسب وعلاقته بأرضه وجذوره المغروسة مع كل حبة عرق نزلة على تربة زيتونة أبوي وجدي وجد جدي.
طباع هاد الكلام ما بشمل بالتحليل مواليد فلسطين واللي بقو على علا ترابها.
أخواني من مشاعري الصادقة بحب أحكي إنو الإحتلال عم ينزع شروشنا من الأرض أكيد مارح يقدر, بس إبتضمنو الجيل التاني والثالث والطالع.. طيب كيف؟ إنو إنحافظ على نسبنا وجذورنا وصلة أرحامها وتكون موثقة للأجيال الجاية و أكيد مع إستغلال تقنية المعلومات و الإنترنت رح يكون في شبكة علاقات كبيره على مستوى كل قرية وكل مدينة وبعدين إنشالله كل فلسطين وسعيتها أنا بقلكم إنو الأجيال الجاية رح تكون صراعها للتحرير أقرب و أعمق في صلتها مع تراب فلسطين.
الكلام مابخلص في هذا الخصوص ولو بدنا بنعمل كتب ومجلدات إذا كان بدنا.
ولا لأيا رامي عبد الرحمن محمد عبدالرحمن محمد عبد الرحمن حمدان سماعنة من بيت إيبا(البيتاوي).

من هون ومن هذا الوقت ومن الحديث أعلاه بحكيلكم وبفتخر بهذا الموقع وبممولينه الأكارم وبس لو يتفضلو علينا كمان يعملو على توثيق القرى والبلاد مش بس بالصور وكمان بالفيديو.

شكرا جميعا على صبركم علينا بس أنا منفجر من اوضاع غزة في هذه الأيام. الله يكون معاهم ياالله.

أخوكم: جيل التغريبة الأول - محمد(الأول) فؤد (التغريبة) حسني (الأصل) عبد الرحيم (الأصل) محمد (الأصل) عبد الرحمن (الأصل) حمدان (الأصل-الفخذ) سماعنة (الأصل - العشيرة) بيت إيبا (الجذر)
ياريت كل واحد يعرف نفسه بهذا الشكل على الأقل حتى يعرف كل فلسطيني نسبه وجذره

("التوعية" النسبية الجذرية)
حلمي أكتب كتاب بهذا العنوان حتى أقدر أن أصل بعده لأصل و جذر كل فلسطيني ومن بعدها بقول للجميع إنو جدنا (نسبنا)واحد و أرضنا (جذرنا) واحد وفلسطين (بلدنا) واحد وتاريخنا واحد ومستقبلنا إنشالله أكيييد واحد ليوم الدين.
قولو آمين

السالم عليكم ورحمة الله وبركاته.

أحلى و أكبر سلام للأهل بيت إيبا الشجعان
من اربد و عمان و من كل مكان بنحب بلدنا فلسطين و بالذات بيت إيبا و لو تعرفو شو نفسي أشوف بلدي
تحيه خاصة إلى : جدي محمد حمادن أبو العبدو أعمامي : باسل \ معين \ ايمن \ حكم \ حازم \ مأمون .
ودير بالك عأهلك يا ابو العز و سلم عمحرز

تحياتي الحاره والقلبيه الي كل أهل بلدي بيت ايبا واتمني أن أرجع لها محرره من دنس الاحتلال ان شاء الله